ताज्या घडामोडी

०२ घरफोडी व ०२ वाहन चोरी असे एकुण ०४ गुन्ह

बावधन पोलिसांनी मोटारसायकल चोरी करून त्यांचे स्पेअरपार्ट काढून भंगारात विक्री करणाऱ्या टोळीचा शोध घेत ५ मोटारसायकली व स्पेअरपार्ट असा एकूण ₹२.६५ लाखांचा मुद्देमाल जप्त केला. तांत्रिक तपास व सीसीटीव्ही फुटेजच्या आधारे आरोपींचा शोध घेऊन कारवाई करण्यात आली.

बावधन पोलिसांनी शेअर मार्केटमधील तोटा भरून काढण्यासाठी Honda Elevate कार चोरी करून ती राजस्थान येथे विक्री करण्याचा प्रयत्न करणाऱ्या आरोपीस जेरबंद केले. CCTV व गोपनीय माहितीच्या आधारे कारचा माग काढून आरोपीस सुमारे १२ तासांत ताब्यात घेण्यात आले. चोरीस गेलेली Honda Elevate कार, किंमत ₹१४ लाख, पोलिसांनी हस्तगत केली.

बावधन पोलीस ठाणे हद्दीतील घरफोडी प्रकरणात पोलिसांनी तांत्रिक विश्लेषणाच्या आधारे संशयिताचा शोध घेऊन ₹6,65,000/- किंमतीचे 44 ग्रॅम वजनाचे सोन्याचे दागिने हस्तगत केले.

दक्षिण महाळुंगे MIDC पोलिसांनी रिक्षातील प्रवाशाला कोयत्याचा धाक दाखवून ₹11,470/- लुटणाऱ्या तीन आरोपींना २४ तासांत अटक केली. CCTV व तांत्रिक विश्लेषणाच्या आधारे आरोपींचा शोध घेण्यात आला. एका विधीसंघर्षग्रस्त बालकास बाल न्यायमंडळासमोर हजर करण्यात आले.

खुनाचा प्रयत्न करणा-या आरोपीला ०४ तासात ताब्यात घेऊन गुन्हा उघडकीस आणले बाबत

दि. २० सप्टेंबर २०२६ रोजी तळेगाव एमआयडीसी पोलिसांनी ध्वनिप्रदूषण करणाऱ्या गणेश मंडळांवर कारवाई करून डीजे व ध्वनिक्षेपक साहित्य जप्त केले.

पिंपरी पोलिसांनी 23 बनावट “Goree Beauty Cream” जप्त करून विक्रेत्याविरुद्ध गुन्हा दाखल केला. जप्त मुद्देमालाची किंमत ₹12,650 आहे

पिंपरी चिंचवड पोलीस आयुक्तालयाच्या खंडणीविरोधी पथकाने गोपनीय माहितीच्या आधारे दिघी परिसरातून पाहिजे आरोपी राहुल रमेश चव्हाण यास ताब्यात घेतले. त्याच्याकडून ₹५३,००० किंमतीचे १ देशी बनावटीचे पिस्तूल, २ मॅगझिन व २ जिवंत काडतुसे जप्त करण्यात आली. आरोपीविरुद्ध दिघी पोलीस ठाण्यात गुन्हा दाखल करून पुढील कारवाई करण्यात येत आहे.

गणेश विसर्जन मिरवणुकीदरम्यान ध्वनी प्रदूषण करणाऱ्या दोन गणेश मंडळांवर शिरगाव परंदवडी पोलिसांनी कारवाई केली. २ गुन्हे दाखल करून ०८ DJ स्पीकर, ०२ DJ मिक्सर, ०२ ॲम्प्लीफायर मशीन व ०१ वाहन जप्त करण्यात आले.

सांगवी पोलीस ठाण्याच्या हद्दीत गणेश विसर्जन मिरवणुकीदरम्यान ९ गणेश मंडळांकडून उच्च क्षमतेचे डीजे/डॉल्बी साऊंड सिस्टीम वापरून ध्वनीप्रदूषण केल्याचे आढळून आले. संबंधित मंडळांकडून ०५ डीजे मिक्सर, ०३ डीजे कन्सोल, ०१ लाईट कंट्रोल मशीन, ०३ लॅपटॉप, ०१ स्पीकर व ०१ डीजे सेट असा मुद्देमाल जप्त करण्यात आला. तसेच मंडळांचे अध्यक्ष, डीजे मालक व चालक यांच्याविरुद्ध गुन्हे दाखल करण्यात आले.

सायबर गुन्हयात दिड वर्षे जेलमध्ये राहुन तेथे शरीराविरुध्दचे गुन्हे करणाऱ्या आरोपीच्या संपर्कात राहुन त्यांच्याकडुन सायबर गुन्हे करण्यासाठी बँक अकाऊंट घेणाऱ्या सायबर गुन्हेगारास त्याच्या साथीदारासह सायबर पोलीस ठाणे, पिंपरी चिंचवड कडुन अटक.

दि. २४ ऑगस्ट २०२६ रोजी पोलीस उप-आयुक्त, विशेष शाखा कार्यालयाचे उद्घाटन पोलीस आयुक्त विनय कुमार चौबे यांच्या हस्ते करण्यात आले.

सायबर फसवणुकीच्या गुन्ह्यातील आरोपीचा राजस्थानपर्यंत मागोवा घेत पिंपरी-चिंचवड सायबर पोलिसांकडून मुख्य आरोपीला अटक

चाकण औद्योगिक पट्ट्यात वाहतूक कोंडीवर ‘ॲक्शन प्लॅन’; ३१ ऑगस्टपर्यंत रस्ते दुरुस्तीचे निर्देश

स्वातंत्र्य दिनाच्या पूर्वसंध्येला पिंपरी चिंचवड पोलीस आयुक्तालयातील अधिकारी व अंमलदारांच्या उल्लेखनीय सेवेसाठी विविध राष्ट्रपती पदक, अतिउत्कृष्ट सेवापदक, उत्कृष्ट सेवापदक व विशेष सेवा पदक जाहीर करण्यात आले. गुणवत्तापूर्ण सेवेसाठी पोलीस उपनिरीक्षक शिवानंद स्वामी यांना राष्ट्रपती पदकाने सन्मानित करण्यात आले.

पिंपरी चिंचवड पोलीस आयुक्तालयाचे मुख्यालय, परेड ग्राऊंड, पोलीस भरती मैदान व इतर अनुषंगिक कार्यालयांसाठी वळुमाता प्रक्षेत्र, ताथवडे, पुणे येथील ५० एकर जागा प्रत्यक्ष ताब्यात

कमी वेळात जास्त पैसे कमविण्याच्या नादात सुशिक्षीत तरुणाने मोटार सायकली चोरी करुन विक्री केलेल्या सर्व मोटार सायकली हस्तगत मोटार सायकलींचे २२ गुन्हे उघड करुन, सुमारे १२ लाख ९० हजार रुपये किं.चा मुददेमाल केला हस्तगत

पिंपरी चिंचवड शहरातील ज्येष्ठ नागरिकांना पोलीस सेवा व इतर आवश्यक सेवा सहज उपलब्ध करण्याच्या दृष्टीने पोलीस आयुक्त श्री. विनय कुमार चौबे यांनी "ज्येष्ठानुबंध" हा ॲप विकसित करुन एक अभिनव उपक्रम सुरु केलेला आहे. या उपक्रमांतर्गत नमुद ॲपवरुन ज्येष्ठ नागरिकांनी पोलीस खात्या सबंधी तसेच त्यांच्या वैयक्तीक इतर अडचणी मांडल्यावर त्यांना पोलीसांकडुन तात्काळ मदत पुरविली जात आहे. आजतागायत पिंपरी चिंचवड हद्दीतील एकुण २८,००० पेक्षा अधिक ज्येष्ठ नागरिकांनी सदर ॲप डाऊनलोड करुन त्यांचा सहभाग नोंदविला आहे. सदर उपक्रमांतर्गत अधिक एक पाऊल पुढे जावून श्री. विनय कुमार चौबे यांनी, ज्येष्ठ नागरिकांना दैनंदिन स्तरावर पोलीसांनी नियमित भेटी देवुन त्यांच्या अडीअडचणी समजून घेणे तसेच ज्येष्ठ नागरिकांचे वाढदिवस साजरे करणे बाबत एक आगळे वेगळे पाऊल टाकले आहे. त्याअनषंगाने पोलीस अधिकारी व अंमलदार हे त्यांचे हद्दीतील ज्या ज्येष्ठ नागरिकाचा वाढदिवस आहे त्या ज्येष्ठ नागरिकाचे घरी किंवा वृध्दाश्रमात भेट देऊन त्यांच्या सोबत केक कापुन व पुष्प गुच्छ भेट देऊन त्यांचा वाढदिवस साजरा करुन आनंद द्विगुणीत करतात. मागील दोन दिवसांत पोलीस आयुक्तालय हद्दीतील ज्येष्ठ नागरिक १) श्रीमती सुशीला कपालदास गुलाणी, वय ६१ वर्षे, रा. नवताजधाम वृध्दाश्रम, अंबी, ता. मावळ जि. पुणे २) श्रीमती पद्मा किशोर सरपोद्दार, ७७ वर्षे, रा. कुलदीप रेसीडन्सी, फ्लॅट नं.०१, सेक्टर नं.१, वैष्णोमाता मंदिराजवळ, इंद्रायणीनगर, भोसरी, पुणे ३) श्री. नयन रमाकांत पानसरे, वय ७४ वर्षे, रा. ब्ल्युरिज राजीव गाधी इन्फोटेक पार्क, फेज १, हिंजवडी, पुणे यांची समक्ष भेट घेवुन पोलीस अधिकारी व अंमलदार यांनी त्यांचे वाढदिवस साजरे केले आहेत. या उपक्रमाबद्दल ज्येष्ठ नागरिकांनी आनंद व्यक्त केला असून सदर उपक्रम देनंदिन स्तरावर आयुक्तालयाच्या हद्दीत साजरा केला जाणार आहे. "ज्येष्ठानुबंध" उपक्रमास पिंपरी चिंचवड पोलीस आयुक्तालय हद्दीतील ज्येष्ठ नागरिकांकडुन सकारात्मक प्रतिसाद मिळत आहे. जास्तीत जास्त नागरिकांनी ज्येष्ठानुबंध ॲप डाऊनलोड करुन त्यांचा सहभाग नोंदवावा, असे पोलीस आयुक्त श्री. विनय कुमार चौबे यांनी आवाहन केले आहे.

"पोलीस आयुक्तांची भेट..." पिंपरी चिंचवड आयुक्तांच्या उपक्रमास नागरिकांचा भरघोस प्रतिसाद ..." पिंपरी पिंचवड पोलीस आयुक्तालयामार्फत नागरिकांशी अधिक प्रभावी, पारदर्शक व सकारात्मक संवाद प्रस्थापित करण्यासाठी "पोलीस आयुक्तांची भेट" हा विशेष उपक्रम सुरु करण्यात आला आहे. या उपक्रमांतर्गत नागरिक व शहरातील अभ्यगतांना पोलीस आयुक्त व इतर वरिष्ठ अधिकाऱ्यांशी थेट भेट घेवुन आपल्या सुचना, तक्रारी व अपेक्षा मांडण्यास संधी उपलब्ध करण्यात येत आहे. यासाठी नागरिकांना कोणत्याही प्रकारे पुर्व परवानगी घेण्याची आवश्यकता नसुन नागरिक उपक्रमाच्या दिवशी विहीत वेळेत बिनदिक्कत पोलीस आयुक्तांना भेटु शकतील. दिनांक ०९/०३/२०२६ रोजी पोलीस आयुक्तांची भेट हा विशेष उपक्रम पोलीस आयुक्त, कार्यालय येथील शिवनेरी हॉल येथे आयोजित करण्यात आला. सदर कार्यक्रमाकरीता ७६ नागरिकांनी उपस्थिती दर्शविली. सदर कार्यक्रमाकरीता शिवनेरी हॉल येथे पोलीस आयुक्त, सह पोलीस आयुक्त, सर्व अपर पोलीस आयुक्त, सर्व पोलीस उप आयुक्त तसेच व्हिडीओ कॉन्फरसिंग द्वारे सर्व सहा. पोलीस आयुक्त व सर्व वरिष्ठ पोलीस निरीक्षक हे हजर होते. सदर कार्यक्रमात नागरिकांनी त्यांच्या समस्या तसेच वाहतुक विषयक समस्या व सुचना मांडल्या. सदर उपक्रमास दिघी पोलीस स्टेशन गु.र.नं ५१०/२०२५ या घरफोडीच्या गुन्हयातील फिर्यादी परमेश्वर गिराम हे हजर होते. त्यांनी त्यांच्या गुन्हयातील चोरीस गेलेले सोन्याचे दागिने १०० टक्के पोलीसांनी परत मिळवुन दिल्या बद्दल त्यांनी मा. पोलीस आयुक्त यांचा सत्कार केला व पोलीसांच्या चांगल्या कामगिरीबाबत कौतुक केले. त्याचप्रमाणे पिंपरी चिंचवड शहरातील ऑर्थोपेडिक डॉक्टर असोशिएशनचे पदाधिकारी हजर होते त्यांनी त्यांच्या समस्या सांगुन सुचना मांडल्या तसेच पोलीसांना मदत करण्याबाबत पुढाकार दर्शविला. "पोलीस आयुक्तांची भेट" हा उपक्रम यशस्वीरित्या पार पडला. सदरचा उपक्रम हा दर सोमवारी असाच चालु राहणार असुन नागरिकांनी त्याचा लाभ घ्यावा. सदर कार्यक्रमाकरीता पिंपरी चिंचवड शहरातील जास्तीत जास्त नागरिक, औद्योगिक प्रतिनिधी, महिला, ज्येष्ठ नागरिक, विद्यार्थी तसेच शहरातील अभ्यगतांनी या उपक्रमास हजर राहुन आपल्या तक्रारी व सुचना मांडाव्यात असे आवाहन करण्यात येत आहे.

पोलीस महासंचालक महाराष्ट्र राज्य यांच्या निदर्शनानुसार प्रजासत्ताक दिन २६ जानेवारी २०२६ रोजी पिंपरी चिंचवड पोलीस आयुक्तालय येथे "नॉर्थईस्ट कम्युनिटी कनेक्ट" हा उपक्रम राबविण्यात आला. पिंपरी चिंचवड आयुक्तालयाचे हाद्दीमध्ये व्यवसाय व शिक्षणाकरिता वास्तव्यास असलेल्या उत्तर पूर्व भारतातील नागरिकांना पोलीस आयुक्त कार्यालय व विविध पोलीस ठाणे येथे निमंत्रित करण्यात आले होते. पिंपरी चिंचवड पोलीस आयुक्तालयातील व पोलीस स्टेशनच्या ध्वजावंदन कार्यक्रमाकरिता उत्तर पूर्व भारतातील ७८ नागरिक हजर होते. एकूणच "नॉर्थईस्ट कम्युनिटी कनेक्ट" हा उपक्रम पिंपरी चिंचवड पोलीस आयुक्तालय येथे यशस्वीपणे राबविण्यात आला असून ईशान्य राज्यातील विद्यार्थ्यांमध्ये विश्वास, सुरक्षितता आणि समाजातील आपलेपणाची भावना दृढ करण्यास उपयुक्त ठरला आहे

मा. मुख्यमंत्री महाराष्ट्र राज्य यांच्या आदेशान्वये ऑक्टोबर महिना सायबर सुरक्षा जनजागृती महिना म्हणून साजरा करण्यात येत असून त्याकरिता जास्तीत जास्त नागरिकांना सायबर सुरक्षा बाबत माहिती पोहोचविण्याकरिता विविध जनजागृती कार्यक्रम घेणे बाबत मा. पोलीस महासंचालक सो महाराष्ट्र राज्य यांच्याकडून सूचना व आदेशित करण्यात आलेले आहे त्याच अनुषंगाने पोलीस आयुक्तालय पिंपरी चिंचवड हद्दीतील नागरिकांमध्ये जनजागृती करणे करिता पिंपरी चिंचवड पोलीस आयुक्तालय स्तरावर दि. 30/10/2025 रोजी सकाळी 07:00 वा. भक्ती शक्ती चौक निगडी येथे 5 किलोमीटर cyber safe PCPC Walkathon आयोजित करण्यात आली. सदर कार्यक्रमाला अभिनेता शिव ठाकरे यांनी उपस्थित नागरिकांना सायबर सुरक्षेबाबत योग्य ती काळजी घेणेबाबत आवाहन करून सायबर हेल्पलाईन नंबर 1930 व cybercrime.gov.in या वेबसाईट बाबत माहिती दिली मा. पोलीस उपायुक्त श्री बापू बांगर यांनी नागरिकांना सायबर फसवणूक होऊ नये म्हणून घ्यावयाची काळजी याबाबत मार्गदर्शन केले तसेच सायबर पोलीस ठाणे पिंपरी चिंचवड यांच्या उल्लेखनीय कामगिरी बाबत माहिती दिली. वॉकेथॉन मध्ये 600 ते 650 नागरिकांनी पाच किलोमीटर वॉकेथॉन यशस्वीरित्या पूर्ण केली.

पिंपरी चिंचवडचे पोलीस आयुक्त श्री विनय कुमार चौबे यांच्याकडून नागरिकांना विविध पोलीस सेवा सहज उपलब्ध व्हाव्यात व गुन्ह्यांना प्रतिबंध करण्याच्या दृष्टीने कायद्याविषयी जनजागृतीचे नाविन्यपूर्ण कार्यक्रम सातत्याने आयोजित केले जातात माहे ऑक्टोबर २०२५ हा महिना मा. मुख्यमंत्री श्री देवेंद्र फडणवीस यांनी सायबर सुरक्षा विषयक जनजागृतीचा महिना घोषित केला आहे त्या अनुषंगाने पिंपरी चिंचवड पोलीस आयुक्तालयाच्या वतीने विविध कार्यक्रम राबवले जात आहे त्याचाच एक भाग म्हणून आज दिनांक 14/10/2025 रोजी सकाळी 11/00 ते 13/30 या कालावधीत पोलीस आयुक्त श्री विनय कुमार चौबे यांनी सायबर सुरक्षा विषयक विद्यार्थी नागरिकांमध्ये व्यापक जनजागृती करण्याचे दृष्टीने X या माध्यमाचा प्रभावी उपयोग करून व्हर्च्युअल टाऊनहॉल या अभिनव संकल्पनेंद्वारे सर्व स्तरातील नागरिकांशी सुसंवाद साधला. सदर उपक्रमामध्ये पोलीस आयुक्तालयाचे कार्यक्षेत्रातील ८१ ठिकाणावरील शाळा कॉलेज औद्योगिक समूह येथील १२ हजार पेक्षा जास्त विद्यार्थी व नागरिकांना प्रत्यक्ष सहभाग घेतला व एकूण ३३,८४४ नागरिकांनी ऑनलाईन हजेरी लावली या प्रमाणे सुमारे ४५ हजार पेक्षा जास्त नागरिकांनी सदर उपक्रमात प्रत्यक्ष व अप्रत्यक्ष सहभाग घेतला मा. पोलीस आयुक्त यांनी नमूद ठिकाणी हजार असलेल्या विद्यार्थी नागरिकांना सायबर गुन्हे व सुरक्षा बाबत ऑनलाईन मार्गदर्शन करून जनजागृती केली.

पिंपरी चिंचवड पोलीस आयुक्तालयाकडून पूरग्रस्त भागात मदतीकरिता समाजाच्या सुरक्षेची जबाबदारी सांभाळणारे पिंपरी चिंचवड पोलिसांनी माणुसकीचे दर्शन घडवत मुख्यमंत्री सहायता निधीला तब्येत 43 लाख 95 हजार रुपयांचा धनादेश दिला आहे. पोलीस आयुक्त विनय कुमार चौबे यांनी राज्याचे मुख्यमंत्री मा. देवेंद्र फडणवीस यांच्याकडे सुपूर्द केला

जागतिक ज्येष्ठ नागरिक दिनानिमित्त, माननीय पोलीस आयुक्त श्री. विनय कुमार चौबे यांनी पिंपरी चिंचवड आयुक्तालयातील ज्येष्ठ नागरिकांसाठी प्रो. रामकृष्ण मोरे सभागृह चिंचवड येथे सुसंवाद मेळावा आयोजित केला होता. सुमारे १२०० ज्येष्ठ नागरिकांनी या मेळाव्याला उपस्थिती लावली आणि त्यांना उत्तम प्रतिसाद दिला. माननीय पोलीस आयुक्त श्री. विनय कुमार चौबे, माननीय पोलीस सहआयुक्त डॉ. शशिकांत महावरकर, माननीय अतिरिक्त पोलीस आयुक्त श्री. सारंग आवाड, ज्येष्ठ नागरिक संघटनेच्या अध्यक्षा श्रीमती वृषाली मरळ आणि पीसीपीसी पोलिसांचे सर्व उपायुक्त या मेळाव्याला उपस्थित होते. पिंपरी चिंचवड पोलिस दल वृद्धांच्या सुरक्षिततेसाठी आणि सेवेसाठी वचनबद्ध आहे, असे आश्वासन पोलीस आयुक्त श्री. विनय कुमार चौबे यांनी दिले.

पिंपरी चिंचवड पोलीस आयुक्तालयाने निगडी येथील पोलीस मुख्यालयात माननीय पोलीस आयुक्त श्री. विनय कुमार चौबे यांच्या पुढाकाराने एक कार्यक्रम आयोजित केला. या कार्यक्रमात एकूण २३१ तक्रारदारांना सुमारे ६ कोटी रुपयांच्या मौल्यवान वस्तू परत करण्यात आल्या. या मौल्यवान वस्तूंमध्ये समाविष्ट होते - ३३ तोळे सोन्याचे दागिने (१७ लाख रुपये किमतीचे) ६ मोटार वाहने (४१ लाख रुपये किमतीचे) ५ कोटी १५ लाख रुपयांची रोकड १६७ मोबाईल हँडसेट (३० लाख रुपये किमतीचे) विविध प्रकारच्या वस्तूंचा समावेश होता. माननीय पोलीस आयुक्त श्री. विनय कुमार चौबे यांनी सायबर गुन्ह्यांमधील फसवणुकीबद्दल सविस्तर माहिती दिली. सायबर गुन्ह्यांमध्ये 'धोका आणि भीती' या विशेष वैशिष्ट्यामुळे नागरिक सायबर गुन्ह्यांना बळी पडतात. त्यांनी 'डिजिटल अरेस्ट', 'डीप फेक' सारख्या नवीन प्रकारच्या सायबर फसवणुकीबद्दल माहिती दिली. गुन्हेगार नागरिकांच्या भीतीचा आणि माहितीच्या अभावाचा फायदा घेतात. "म्हणून, नागरिकांनी सावधगिरी बाळगावी आणि जर त्यांना अशा कोणत्याही प्रकरणात पकडले गेले तर त्यांनी घाबरू नये आणि ताबडतोब पोलिसांकडे तक्रार दाखल करावी," असे आवाहन त्यांनी केले. तसेच, आजच्या कार्यक्रमातून हे दिसून आले आहे की "चोरलेली मालमत्ता निश्चितच परत मिळवता येते." म्हणूनच, उपस्थितांनी पोलिसांवर विश्वास ठेवावा आणि इतर नातेवाईक आणि मित्रांनाही योग्य मार्गदर्शन करावे असे आवाहन त्यांनी केले. काही गुन्ह्यांमध्ये चोरीची मालमत्ता परत मिळवण्यासाठी वेळ लागतो, परंतु पोलिसांचे प्रयत्न सतत सुरू असतात आणि म्हणूनच ते यशस्वी होतात, असेही त्यांनी सांगितले.

On February 6, 2025 The Inauguration ceremony of the Shivneri Auditorium of our Police Commissionerate was conducted at the hands of Hon’ble Chief Minister and Home Minister of Maharashtra, Shri Devendra Fadnavis. The event was graced by the presence of Hon’ble Deputy Chief Minister and Guardian Minister of Pune District, Shri Ajit Pawar and other dignitaries . The auditorium is built by the PCMC due to the valuable assistance of the Pimpri-Chinchwad Municipal Commissioner, Shri. Shekhar Singh Sir .

On February 6, 2025 The Bhoomipujan ceremony of the Mahalunge Industrial Police Complex was held today at the hands of Hon’ble Chief Minister and Home Minister of Maharashtra, Shri Devendra Fadnavis. The event was graced by the presence of Hon’ble Deputy Chief Minister and Guardian Minister of Pune District, Shri Ajit Pawar and other dignitaries. This is the first of kind CSR project in which the P.S. is build through the CSR funding by Chakan industrial association.

On February 6, 2025 The Bhoomipujan ceremony for the Police Rest House at Dehuroad was held today at the hands of Hon’ble Chief Minister and Home Minister of Maharashtra, Shri Devendra Fadnavis. The ceremony was graced by the presence of Hon’ble Deputy Chief Minister and Guardian Minister of Pune District, Shri Ajit Pawar and other dignitaries . The Police Rest House at Dehuroad Police Post is being constructed under the Dehu Pilgrimage Development Plan, with a sanction of ₹11 crores . It will provide essential accommodation facilities for the police personnel deployed during the Sant Tukaram Maharaj and Sant Dnyaneshwar Maharaj Palkhi Processions, attracts lakhs of Warkari devotees each year.

राज्यातील अत्याधुनिक पिंपरी-चिंचवड पोलीस आयुक्तालय इमारतीच्या भूमिपूजन सोहळा आज महाराष्ट्र राज्याचे माननीय मुख्यमंत्री व गृह मंत्री श्री. देवेंद्र फडणवीस यांच्या हस्ते संपन्न झाला. या कार्यक्रमाला पुणे जिल्ह्याचे माननीय उपमुख्यमंत्री व पालकमंत्री श्री. अजित पवार तसेच इतर मान्यवर उपस्थित होते. नवीन आयुक्तालयामध्ये विशेष शाखा, गुन्हे शाखा, महिला सहाय्यता कक्ष, ज्येष्ठ नागरिक कक्ष, बिनतारी नियंत्रण कक्ष, वॉर रूम, सीसीटीव्ही कक्ष, सोशल मीडिया लॅब तसेच इतर महत्त्वपूर्ण प्रशासकीय व सहाय्यक विभाग कार्यरत असतील – जे आधुनिक आणि नागरिक-केंद्रित पोलिसिंगच्या दृष्टीकोनाचे प्रतीक आहे.

पिंपरी चिंचवड पोलीस आयुक्तालयातील पोलीस अधिकारी व अंमलदार यांचे दैनंदिन कर्तव्य व कामाचा ताण यामुळे त्यांचे प्रकृती स्वास्थ्याच्या दिवसेंदिवस वाढत असलेल्या समस्या व स्वास्थ्य यांचे नियोजन होऊन त्यांना चांगले स्वास्थ्य लाभण्याकरिता विशेष काळजी घेण्याबाबत विविध उपक्रम राबविणे बाबत मा.श्री विनयकुमार चौबे सो पोलीस आयुक्त पिंपरी चिंचवड यांनी संकल्पना मांडली होती त्यांचे संकल्पनेतून वाकड पोलीस स्टेशन येथील पोलीस अधिकारी व अंमलदार यांच्याकरिता सुसज्ज जिम तयार करण्यात आली त्याकरिता श्री विशाल गायकवाड सो पोलीस उप आयुक्त परिमंडळ 2 श्री सुनील कुराडे सहाय्यक पोलीस आयुक्त सो वाकड विभाग यांचे मार्गदर्शनाप्रमाणे वाकड पोलीस ठाणे कडील श्री निवृत्ती कोल्हटकर वरिष्ठ पोलीस निरीक्षक यांनी सुनियोजन करून सुसज्ज जिमची निर्मिती करण्यात आली आहे सदर जिमचे दिनांक 20/3/ 2025 रोजी मा. श्री विनय कुमार चौबे सो पोलीस आयुक्त पिंपरी चिंचवड यांचे शुभ हस्ते उद्घाटन सोहळा संपन्न झाला सदर उद्घाटन समारंभाकरिता श्री विशाल गायकवाड सो पोलीस उपयुक्त परिमंडळ 2 श्री बापू बांगर सो पोलीस उप आयुक्त वाहतूक डॉ. शिवाजी पवार सो पोलीस उपायुक्त परिमंडळ 3 श्री विवेक पाटील सो पोलीस उपायुक्त मुख्यालय निवृत्ती कोल्हटकर वरिष्ठ पोलीस निरीक्षक निवृत्ती कोल्हटकर नीता गायकवाड /खंदारे वरिष्ठ पोलीस निरीक्षक( गुन्हे )वाकड पोलीस स्टेशन सुहास चव्हाण सपोनी अनिरुद्ध सावर्डे पोलीस उपनिरीक्षक इतर पोलीस अधिकारी व अंमलदार सुजाण नागरिक व पत्रकार उपस्थितीत होते

पिंपरी चिंचवड पोलीस आयुक्तालयातील बिनतारी संदेश दळणवळणाकरिता चतुर्श्रुंगी व चाकण येथे बिनतारी पुन:प्रक्षेपण केंद्र कार्यरत आहेत पिंपरी चिंचवड पोलीस आयुक्तालयाचा विस्तार झाल्याने त्याचप्रमाणे देहू आळंदी या तीर्थक्षेत्राच्या ठिकाणी बंदोबस्ताकरिता बिनतारी दळणवळण क्षेत्र विस्तारणेच्या दृष्टीने नवीन पून:प्रक्षेपण केंद्राची आवश्यकता होती त्या दृष्टीने दुर्गा टेकडी येथे नवीन पुन:प्रक्षेपण केंद्र उभारण्यात आले आहे

35 वी महाराष्ट्र राज्य पोलीस क्रीडा स्पर्धा ठाणे सन 2025 पिंपरी चिंचवड पोलीस सर्वात गौरवास्पद बाब म्हणजे सलग दुसऱ्या वर्षी महिला खेळाडू यामिनी ठाकरे ( मुख्यालय पिंपरी चिंचवड)यांना स्पर्धेतील उत्कृष्ट महिला खेळाडू हा किताब देण्यात आला आहे. ठाणे येथे १५०० मी. आणि ५००० मी. धावणे मध्ये सुवर्णपदक🎖जिंकणाऱ्या यामिनी ठाकरे यांचे मनःपूर्वक अभिनंदन. तुमची मेहनत, सातत्य आणि उत्कृष्टता आमच्यासाठी अभिमानाची बाब आहे.